La Historia del interlingua entiende la formación del idioma y la hestoria de la comunidá de falantes.
El creitu final hai de dir a la heredera estauxunidense Alice Vanderbilt Morris (1874–1950) quien s'interesó na llingüística y nel movimientu pol idioma auxiliar internacional a principios de los años venti. En 1924, Morris y el so home Dave Hennen Morris, establecieron la IALA (International Auxiliary Language Association) en Nueva York. El so oxetivu yera l'estudiu de les llingües auxiliares internacionales dende una base científica.[1]
Les investigaciones sobre'l problema de la llingua auxiliar progresaron en delles instituciones: el International Research Council, el American Council on Education, el American Council of Learned Societies, les varies asociaciones pa la meyora de la ciencia (n'Estaos Xuníos, Francia, Italia y Reinu Uníu) y otros grupos d'especialistes. Morris creó la IALA como una continuación del so trabayu.[2] Desenvolvió'l programa d'investigación de la IALA consultando a Edward Sapir, William Edward Collinson y Otto Jespersen.[1]